ஒவ்வொரு அலையிலும் கடல்

‘உனை விரும்பப் போவதில்லை’
என்று சொல்லி
நெருங்கும் போதெல்லாம்
திரும்பிக் கொள்கிறாய்.

நீ
திரும்புவதைக் கூட
விரும்பித் தொலைக்கிறது மனசு.

பல காத தூரம்
என் வீட்டுக்கும் உன் வீட்டுக்கும்.
ஆனால்
ஒரு காதல் தூரம்
என்று தான்
கணக்கிட்டுச் சொல்கிறார்கள்
நண்பர்கள்.

உன்னை விட என்னைத் தான்
நான்
அதிகம் நேசிக்கிறேன்.

அதனால் தானே
நீ வேண்டுமெனும்
மனசின் பிடிவாதங்களுக்குள்
மட்டுமே
மண்டியிட்டுக் கிடக்கிறேன்.

நீ
வருகை தந்ததால் தான்
வருகைப் பதிவேட்டில்
நானும்
ஆச்சரியமாய் உச்சரிக்கப் பட்டேன்.

பின்பு,
என் காதல் கணையைக்
கத்தரித்து எறிந்து விட்டாய்.
இன்று
தேர்ச்சிப் பட்டியலில்
அதிர்ச்சியாய் அலசப்படுகிறேன் நான்.

உணவகம்,
நீ எதிர்மேசையில் இருக்கிறாய்
விரும்பிக் கேட்டது வருவதற்காய்
காத்திருக்கிறாய்.

விரும்பியது
வந்தமர்ந்த மகிழ்ச்சியில்
பார்த்திருக்கிறேன் நான்.

3 comments on “ஒவ்வொரு அலையிலும் கடல்

  1. Hi Xavier, Good one. You have used simple words for these kadal kavithaigal. It will help you to reach people at all corners.

    Prakash

  2. “உன்னை விட என்னைத் தான்
    நான்
    அதிகம் நேசிக்கிறேன்.” intha vari ennai migavum kavarnthathu

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s