விடைபெறுதல்

விடைபெறுதல் கணங்கள்
கடினமானவை.

விமான நிலையங்களில்
கைக்குட்டைகள்
ஈரமாகும்,
இரயில் நிலையங்களில்
முந்தானைகள் மூக்கு துடைக்கும்.

என்
வரப்புகளற்ற வானங்களில்
உன்
வானவில் முத்தங்கள்
விழப்போவதில்லையா ?
என
பூங்காக்கள் புலம்பும்.

என்
உயிரின் குறுக்குவெட்டுத் தோற்றம்
உன் நட்பைத் தான்
மையத்தில் வைத்திருக்கும்
என
ஆட்டோ கிராப் கள் அழும்.

புகுந்தகப் பயணத்தில்
பெற்றோரின் விழித்திரையில்
மகளின்
சிறுவயது வாழ்க்கை ஈரமாய் ஓடும்.

விடைபெறும் கணங்கள்
கடினமானவை தான்.

முகிலின்
சுருக்குப் பை திறந்து
வெளிக்குதிக்கும் மழை நீரில்
மேகத்தின்
வழியனுப்பல் கண்ணீரும்
கலந்திருக்கக் கூடும்.

விடைபெறுதல் எளிதென்றே
நினைத்திருந்தேன்,
காதலி
அழாமல் பிரிந்த போது.

கடினமென்பது
புரிகிறது இப்போது.

மழலையின் விரல் விலக்கி
அலுவலகம்
விரையும் போது.

3 comments on “விடைபெறுதல்

  1. sir vanakkam…

    முகிலின்
    சுருக்குப் பை திறந்து
    வெளிக்குதிக்கும் மழை நீரில்
    மேகத்தின்
    வழியனுப்பல் கண்ணீரும்
    கலந்திருக்கக் கூடும்.

    indha varigal miga nerthiyaga iruku..valthukkal..thodarndhu kalakungal..nalaiku en padhivil ungal peyari enaku pidthth aaru vil eludh pogirane..nicchyam padiyungal

  2. Nan thangalin puthiya Vasakan.
    Muthal naale Rasikan aahividden.
    Thangal kavithaigal Soopparo Super.
    Thangal ilakkiyap payanam sirappudan thodara
    Adiyen VALTHUKKAL.
    Nantry.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s