வீடு வாங்கினால்
கிடைக்கலாம்
இலவசமாய் ஒரு கார்.
கார் வாங்கினால்
ஒரு தொலைக்காட்சிப்
பெட்டி,
தொலைக்காட்சிப் பெட்டி
வாங்கினால்
ஒரு டிவிடி பிளேயர்,
டிவிடி பிளேயருக்கு
இலவசமாய்
ஒரு குக்கர்,
குக்கர் வாங்கினால்
பாத்திரம்.
செலவழித்தலின்
அடர்த்தியை வைத்தே
இலவசங்களின்
பிரசவங்களும் !
ஓசோன் ஓட்டையை
அடைக்க முயல்வோரால்
நிராகரிக்கப்பட்ட
குடிசை ஓட்டைகளுடன்,
வறுமை வயிறுகள்
மழைநீர் தின்ன
ஈரப் போர்வைக்குள்
வெப்பம் தேடி
தெப்பமாய் கிடக்கும்
குப்பத்தின் ஓரத்தில்,
பருக்கைகள் எதிர்நோக்கி
இருக்கையில்,
நெருப்பாய் தெரியும்
அரசு அறிவிப்பு.
கருத்தடை சாதனம்
இலவசம்
அலெக்ஸின் கருத்தே என் கருத்தும். வாழ்த்துக்கள்!
LikeLike
அவங்கதான் சேவியர் இத அதிகம் பயன்படுத்தணும்…
ஒரு கோணத்துல உங்க கருத்து ரெம்ப நல்லா இருக்கு.
LikeLike