கவிப்பேரரசு மன்னிப்பாராக…

வைரமுத்துவின் காதலித்துப் பார் கவிதை போல, காதலித்துப் பார் என்று ஆரம்பித்து ஏதேனும் எழுதிப் பார்ப்போம் என்னும் சிந்தனையில் விளைந்தது இந்தக் கவிதை. கான மயிலாடக் கண்டிருந்த வான்கோழியை….கவிப்பேரரசு மன்னிப்பாராக.


காதலித்துப் பார் !

பாதங்களுக்குக் கீழ்
ஓர்
பூந்தோட்டம் தொடர்ந்து வரும்.

ஆழ்மனதில்
தினமும்
அகழ்வாராய்ச்சி நடக்கும்

நீர்த்துளியிலிருந்தும்
மேகத்தைப் பிரித்தெடுக்கும்
மந்திரம் புலப்படும்

வார்த்தைகள்
வலுக்கட்டாயமாய்
வெள்ளையடிக்கப்படும்

விரல்களின்
நுனிகளிலும்
சிறகுகள் முளைக்கும்

சுவாசிக்க மறந்து
நாசிகள்
நங்கூரமிடும்

இமைகளை
மறந்து
விழிகள் விரிந்திருக்கும்

நயாகராவின்
நீர்ச்சரிவும்
நிசப்த மண்டபமாகும்

உயிருக்குள்
ஓர்
உருக்காலை உற்பத்தியாகும்

மனசுக்குள் நிதமும்
மரங்கொத்தி
அலகுபதிக்கும்

பாதங்களின்
சுவடுகளில்
பாதைகள் அறிமுகமாகும்

பகல்கள் முழுதும்
கனவுகளில்
கரையும்

இரவுகள் முழுதும்
காலுடைந்த
நத்தையாய் நகரும்

செல்பேசி
சத்தங்களில்
சிம்பொனி தெறிக்கும்

இமெயில்
வரிகளில்
இலக்கியம் பிறக்கும்

காதலித்துப் பார் !

4 comments on “கவிப்பேரரசு மன்னிப்பாராக…

  1. Ahhahaaa..
    This is far far better than DimondPerl poem. Might be you should teach him how to write better poems.

  2. Ithuvum Nandragave Ullathu…….
    Kavipperarasu…..paditthaal……nichayam vazhtthuvaar…..

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s