ஒரு கடிகாரம் நேரம் பார்த்துக் கொள்கிறது

clo.jpg

பூக்களுக்கு மரியாதை
பூமி முழுதும் உண்டு
முட்களுக்கு மரியாதை
என்னிடம் மட்டும் தான்

என் கால்களில் ஆணிஅறைந்து
வட்ட அறைக்குள்
வட்டமிட வைத்து விட்டார்கள்.

நான் கிணற்றுத் தவளையாய்
இருப்பதில் மட்டுமே
வணக்கம் பெற்றுக் கொள்பவன்

என் வினாடிகள் கடப்பதை
இதயத்துடிப்போடு பார்க்கிறது மானுடம்.
இன்றைய விடியலில் துவங்கி
மறுநாள் விடியல் வரை !!!

நான் கொஞ்சம் நொண்டியடித்தால்
அலுவலகங்கள் ஆமையாகும்
வேகமானால்
பரபரப்புகள் பரிமாறப்படும்.

காந்தியின் இடுப்பு முதல்
மாடசாமியின் மணிக்கட்டு வரை
என் வழிகாட்டல்
என் கால்களால் தான்
நடக்கிறது மனிதகுலம்.

என் வினாடிகள் கடப்பதை
பார்த்துப் பார்த்தே
காத்திருக்கும் காதலர்களுக்கு
வருடங்கள் கிழியும்…

பாதை மாறாமல் பயணம் செய்வது
நில உலகில்
நிழலும் நானும் மட்டும் தான்.

என் வருகைக்குப் பின்
துயிலெழுப்பும் வேலையிழந்த
சேவல்கள்
நிம்மதியாய்த் துயில்கின்றன.

அட்டவணைக்குள் அடைக்கப்பட்ட
மனிதனின் வாழ்க்கையை
என் அலாரச் சத்தம் தான்
ஆரம்பித்து வைக்கிறது

நான் இல்லையென்றால்
ஆக்ஸிஜன் வற்றிப்போன சுவாசம் போல
மூச்சுத்திணறி மானுடம்
நிலை தடுமாறிப் போகும்

பாவம்…
இப்போதெல்லாம் மனிதர்கள்
அவர்களை நம்புவதில்லை
என்னைத் தான் நம்புகிறார்கள்

அவர்களின் ஆனந்தம் எல்லாம்
என் எல்லைகளுக்குள்
விதைக்கப்பட்டு
என் முட்களின் முகம் பார்த்துத் தான்
அறுவடையாகின்றன.

என் பாதப் பதிவுகளில்
மணிபார்த்துக் கொள்ளும் மனிதர்களே
என் நேரத்தைச்
சரிபார்த்துக் கொள்ளவேண்டும்
மனிதர்கள் யாராவது இருக்கிறார்களா ?

4 comments on “ஒரு கடிகாரம் நேரம் பார்த்துக் கொள்கிறது

  1. i read your beautiful lyrics. oneday you will become a well known lyricist in tamil cinema. its my vision. you have enough knowledge in tamil literature and genre. also powerful poetic vocabulary. my best wishes to u.

    sundharabuddhan,
    the sunday indian,
    tamil weekly

  2. நன்றி புத்தன். உங்களைப் போன்ற இலக்கிய உலகில் பழம் தின்று கொட்டை போட்டவர்களின் பாராட்டு கிடைக்கையில் உள்ளம் இரட்டிப்பு மகிழ்ச்சி அடைகிறது.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s