சச்சின்…

desam_paadal_sachin3.jpg
உன் பெயரை
உச்சரிக்கும் போதெல்லாம்
எனக்குள்
ஒரு ஆச்சரியம்
மெல்ல பூச்சொரியும்.

உன்னை எப்படிப் பாராட்டுவது ?
எத்தனை வெப்பம்
விடுத்தாலும்
விடாமல்
தீ கக்கும் கதிரவனாய்
திக்கெட்டும் உன் புகழ்.

பாருக்குள் பாரதப் பெயரை
உயரப் பறத்தினாய்
நீ
சளைக்காமல் அடிக்கும்
சிக்ஸர்கள் போல.

சுற்றி இருந்த
அத்தனைக் கைகளும்
இந்திய மானத்தைத் துகிலுரிந்து
சேலை விற்றுச் சம்பாதித்த போது
நீ மட்டும்
சத்தமில்லாமல் சுத்தமாய் நின்றாய்.

ஒவ்வோர் முறை
நீ
மட்டை தொடும் போதும்
எனக்குள்
பிரவாகமும்
பிரார்த்தனையும் சரிவிகிதத்தில்.

நீ விலகினால்,
சூரியக் கைக்குட்டை
பனி துடைத்துச் சென்ற
பச்சை இலைகளாய்,
அரங்கத்தின் அத்தனை
இருக்கைகளும்
தனிமையாய்க் கிடக்கும்.

தோல்விகள் உன்
கால் வெட்டுவதும் இல்லை,
வெற்றிகள் உன்னை
கர்வக் கிரீடத்துள்
பூட்டுவதும் இல்லை.

வரலாறுகள் என்று
வரையறுக்கப்பட்டவை எல்லாம்
உன்னால்
அறுத்தெறியப்பட்டு,
நீ
எழுதுபவையே வரலாறுகளாகின்றன.

சின்னக் கோடுகளின்
அருகே
நீ
பெரிய கோடுகள் வரைந்து வரைந்தே
எங்களை
பெருமைக் கடலுள்
பயணிக்க வைக்கிறாய்.

நீ
ஆடுவது சதுரங்கமல்ல.
ஆனாலும்
ஒவ்வொரு தடைகளாய் வெட்டி வெட்டி
நீ
முன்னேறுவதில்
சளைக்காத சதுரங்க லாவகம்.

ஈன்ற பொழுதில் பெரிதுவந்தாளா
உன் தாய் ?
நீ
ஈன்ற வெற்றிகளில்
பெரிதுவக்கிறாள்
நம் பாரதத் தாய்.

தலைவனாய் தான் இருப்பேனென்று
நீ
தர்க்கம் செய்ததேயில்லை.
அடம் பிடிக்க நீ ஒன்றும்
அரசியல் வர்க்கம் இல்லை.

அனுமர் வாலாய்
அவராதமெடுக்கும்
அதிசய ஓட்டக் கணக்கு
உனது.

நீ,
பிரபஞ்சத்தின் பரபரப்பு.
வியாபாரச் சந்தையில்
ஏலமிடப்படாத
விளையாட்டுப் புயல்.

நீ
ஆடவில்லையென்றால்
ஆட்டம் காணும் நம் அணி,
ஆட்டம் போடும் எதிரணி.

தேகத்துக்காய் வாழ்வோர்
நிரம்பிய தேசத்தில்,
நீ
தேசத்துக்காய் வாழ்கிறாய்.

உன்
ஒவ்வோர் நூறுக்குப் பின்னும்
பட்டாசு கொளுத்தத் தவறாத
என் மனசு,
உன்
தந்தையின் கல்லறை காயும் முன்
வந்து நீ,
பெற்றுத் தந்த வெற்றியில்
மட்டும் கண்ணீர் விட்டு
இன்னும் அதை ஈரமாக்கி விட்டது.

மலைபோல் பணிகள்
இமை தொற்றிக் கிடந்தாலும்,
மழலை கண்டால்
மனம் விரிகிறாய்.

அசோகச் சக்கர ஆரங்களில்
இருந்தாலும்
ஆரவாரமில்லாமல் இருக்கிறாய்.

உனக்கு விடுக்கப்படும்
ஒவ்வோர் கொலை மிரட்டல்களிலும்
என் உயிர்
மிரண்டு போகிறது.
நீயோ
மிருதுவாய்ச் சிரிக்கிறாய்.

நான்,
விருதென்றால் என்னவென்று
விளங்கிக் கொள்ளாத வயதில்
நீ
விருதுகள் வாங்கி
விருதுகளைப் பெருமைப்படுத்தினாய்.

நான்
வரலாறு கற்கவே விரும்பாத வயதில்
நீ
சரித்திரங்களைச் சரிசெய்தாய்.

ஒவ்வோர் வெற்றிக்குப் பின்னும்
பிறக்கும்
உன் புன்னகையில்,
பாரதம் விழித்தெழுகிறது.

குடும்பத்தை நேசிக்கிறாய்
விளையாட்டை சுவாசிக்கிறாய்
எதிரயை வாசிக்கிறாய்
வெற்றிகளைப் புசிக்கிறாய் – நீ
வரலாறுகளில் வசிக்கிறாய்.

உன்
தொடர் வளர்ச்சிக்கு வாழ்த்துக்களோடும்,
உனக்கு
வயதாகுதே எனும் கவலையோடும்.
– ஒரு ரசிகன்

14 comments on “சச்சின்…

  1. Happy Birthday Sachin . Hope this year you will renew your leadership in creating new era in batting .

  2. nice kavithai

    Happy Birthday SACHIN!

    “உனக்கு
    வயதாகுதே எனும் கவலையோடும்”
    -ஒரு ரசிகை

  3. உன்
    தொடர் வளர்ச்சிக்கு வாழ்த்துக்களோடும்,
    உனக்கு
    வயதாகுதே எனும் கவலையோடும்

    wow super expression

    Belated b’day Wishes Sachin

  4. //உன்
    தொடர் வளர்ச்சிக்கு வாழ்த்துக்களோடும்,
    உனக்கு
    வயதாகுதே எனும் கவலையோடும்

    wow super expression
    //

    மிக்க நன்றி !

  5. நன்றி மணிகண்டன், ரவீந்திரன் – உங்கள் வருகைக்கும் தருகைக்கும். தொடர்ந்து வாருங்கள்🙂

  6. Belated Wishes Sachin.

    //உன்
    தொடர் வளர்ச்சிக்கு வாழ்த்துக்களோடும்,
    உனக்கு
    வயதாகுதே எனும் கவலையோடும்//

    Good Liners…
    Thanks Xavier

  7. //உன்
    தந்தையின் கல்லறை காயும் முன்
    வந்து நீ,
    பெற்றுத் தந்த வெற்றியில்
    மட்டும் கண்ணீர் விட்டு
    இன்னும் அதை ஈரமாக்கி விட்டது.//

    //சின்னக் கோடுகளின்
    அருகே
    நீ
    பெரிய கோடுகள் வரைந்து வரைந்தே//

    இவை இரண்டும் நான் ரசித்தவை…..

    ரொம்ப ந்ல்லா இருந்தது சேவியர்…..

  8. i too love sachin, and felt exteremly happy to read ur kavithai about him…excellent . but now people forget about his talents and speaking only about the last match…sorry sachin….

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s