வந்துவிட்டதா, பிளாஸ்டிக் விடைபெறும் காலம் ?

plastic_household_items

ஆடித் தள்ளுபடிக்கு கடையில் புடவை எடுத்து ஒவ்வொரு புடவையையும் ஒவ்வோர் பிளாஸ்டிக் கவர்களில் போட்டு வாங்கி வரும் அம்மாக்களில் எத்தனை பேருக்குத் தெரியும் பிளாஸ்டிக் பொருட்களால் விளையும் தீங்கு பற்றி ?

பயணத்துக்குச் செல்லும் போதெல்லாம் நான்கைந்து தண்ணீர் பாட்டில்கள் வாங்கி, தண்ணீரைக் குடித்து முடித்தபின் அலட்சியமாய் தூக்கி வீசும் நம்மில் எத்தனை பேருக்கு இருக்கிறது பிளாஸ்டிப் பொருட்கள் பூமியை மாசுபடுத்தி விடுமே எனும் கவலை ?

சற்றே நீங்கள் இருக்கும் இடத்தைச் சுற்றிப் பாருங்கள் எத்தனை பொருட்கள் பிளாஸ்டிக்கினால் செய்யப்பட்டிருக்கின்றன ? வீட்டு உபயோகப்பொருட்கள், விளையாட்டுப் பொருட்கள், கருவிகள் என எங்கும் எதிலும் பிளாஸ்டிக் மயம்.

பிளாஸ்டிக் பொருகள் பயன்படுத்த வேண்டாம் என்று எத்தனை தான் அறிவுரைகள் சொன்னாலும் அவை இன்றைக்கு நடைமுறை சாத்தியமற்றுப் போவதற்கு மிக முக்கியமான காரணம் சரியான மாற்றுப் பொருள் இல்லாமை!

இந்த பிளாஸ்டிக் எமனின் விஸ்வரூப வளர்ச்சி இந்தியாவில் மட்டுமன்றி உலக அளவில் மாபெரும் கவலையாய் உருவெடுத்து பல ஆண்டுகாலமாக பேசப்பட்டு வருகிறது. மறுசுழற்சி செய்து பயன்படுத்தவும் முடியாமல், அழியவும் செய்யாமல், நச்சுத் தன்மைகளை உள்ளடக்கி வேண்டாத விருந்தாளி போல கூடவே திரியும் இந்த பிளாஸ்டிக் பொருட்களை விலக்கி விடும் வாய்ப்புக்காக உலகமே காத்துக் கொண்டிருக்கிறது.

அமெரிக்காவில் மட்டுமே வருடத்துக்கு குறைந்தபட்சம் இருநூற்று ஐம்பது கோடி பிளாஸ்டிக் பாட்டில்கள் தண்ணீர் விற்கப்படுகிறதாம். உலக அளவில் பார்த்தால் சுமார் முப்பது இலட்சம் டன் எடையுள்ள பிளாஸ்டிக் பாட்டில்கள் ஆண்டு தோறும் விற்கப்படுகின்றன என்கிறது ஒரு புள்ளி விவரம். இவற்றில் பெரும்பாலானவை பூமிக்குள் திணிக்கப்பட்டு பூமியை மாசுபடுத்தும் பணியைத் தான் செய்கிறது.

பூமியை மாசுபடுத்துவதுடன் பிளாஸ்டிக் பொருட்களில் பயன்படுத்தப்படும் பிஸ்பினால் எ எனும் அமிலம் மூளையின் செயல்பாடுகளையும், மனநிலையையும் பாதிக்கலாம் என ஏல் பல்கலைக்கழகம் சில மாதங்களுக்கு முன் ஆய்வு முடிவு வெளியிட்டிருந்தது. குரங்குகளை வைத்து நிரூபிக்கப்பட்ட இந்த ஆய்வு மனிதர்களுக்கும் பொருந்தலாம் என்பதே ஆய்வாளர்களின் நம்பிக்கையாகும்.

இன்னொரு கவலை இந்த பிளாஸ்டிக் பாட்டில்கள் தயாரிக்க பயன்படுத்தப்படும் எண்ணெயின் அளவு ! அமெரிக்காவில் தண்ணீர் பாட்டில்கள் தயாரிக்க மட்டுமே இருபது இலட்சம் பாரல்கள் எண்ணெய் ஆண்டு தோறும் தேவைப்படுகிறதாம். ஒரு இலட்சம் கார்கள் சுமார் ஓராண்டு காலம் ஓடத் தேவையான எரிபொருள் இது என்பது குறிப்பிடத் தக்கது.

அப்படியானால் பிளாஸ்டிக் பொருளைப் பயன்படுத்துவது மட்டுமல்ல பிரச்சினை, அதைத் தயாரிப்பதனால் மறை முகமாக எரிபொருள் வளத்தையும் இழந்து கொண்டிருக்கிறோம் என்பதும் ஒரு பிரச்சினையே.
 
இதற்கு ஏதேனும் மாற்றுப் பொருள் கண்டுபிடித்தாகவேண்டும் என ஆராய்ச்சிகள் படு வேகமாய் இயங்கிக் கொண்டிருக்க,  இதோ நாங்கள் ஒரு புதிய வழியைக் கண்டுபிடித்திருக்கிறோம் என கவன ஈர்ப்பு அறிக்கை வெளியிட்டுள்ளனர் ஜெர்மன் விஞ்ஞானிகள்.

மரத் திரவம் ! அதுதான் அந்த புதிய வழி. பிளாஸ்டிக் பொருட்களுக்குச் சரியான மாற்றுப் பொருள் இது தான். மாசு குறித்த கவலையற்றது, எந்த நச்சுத் தன்மையுமற்றது, இனிமேல் பூமி அசுத்தமடையாது என உற்சாக அறிக்கை வெளியிட்டுள்ளது பான்ஹோஃபர் இன்ஸ்டிடியூட் ஆஃப் கெமிக்கல் டெக்னாலஜி.

ஆர்போஃபோம் எனப்படும் இந்த புதிய பொருள் மரத்திலுள்ள மெல்லிய திசுக்களையும் வேறு பல பொருட்களையும் இணைத்து உருவாக்கப்படுகிறது. இந்தப் பொருள் எந்தவிதமான நச்சுத் தன்மையும் அற்றது, எனவே பிளாஸ்டிக் பொருளுக்குரிய அச்சுறுத்தல் இல்லை என்கிறார் இந்த ஆராய்ச்சியின் முதுகெலும்பாய் இருக்கும் நார்பர்ட் என்பவர்.

காகிதம் செய்வதற்குப் பயன்படாத மரப் பகுதியான லிக்னின் இந்த புதிய பொருளை உருவாக்க உதவும் என்பது கவனிக்கப்படவேண்டிய தகவல் என்கிறார் குழுவின் தலைவர் எமிலியா. இதன் மூலம் காகித ஆலைகளில் தேவையற்றதாய் ஒதுக்கப்படும் பொருள் இந்த மரத் திரவத்தின் மூலப்பொருளாகிவிடுகிறது.

இந்தப் பொருள் பிளாஸ்டிக்கைப் போன்ற தோற்றத்துடன், ஆனால் மரத்துக்கான குணாதிசயங்களுடன் விளங்கும் என்றும், பிளாஸ்டிக்கைக் கொண்டு என்னென்ன தயாரிக்க முடியுமோ அவற்றையெல்லாம் இந்தப் பொருளைக் கொண்டும் தயாரிக்கலாம் எனவும் அவர்கள் தெரிவிக்கின்றனர்.

ஒரே ஒரு சிக்கல் இந்தப் பொருளில் அடங்கியுள்ள சல்பர் எனும் வேதியல் பொருள். இதை 90 விழுக்காடு அளவுக்குக் குறைக்கும் முயற்சியில் ஈடுபட்டுள்ளனர் விஞ்ஞானிகள். இதன் மூலம் சற்றும் பாதிப்பில்லாத வீட்டு உபயோகப் பொருட்களை தயாரிக்கலாம்.

சுற்றுப்புறச் சூழலுக்கு எந்த அச்சுறுத்தலும் இல்லை என சொல்லப்படும் இந்த மரத் திரவம், மறு சுழற்சிக்கும் ஏதுவானது என்பது நம்பிக்கையூட்டுகிறது.

எப்படியோ நீண்ட நெடுங்காலமாக பிளாஸ்டிக் பொருட்களினால் ஏற்படும் விளைவுகளைப் பற்றி கவலையுடன் பேசிக்கொண்டிருந்த உலகுக்கு ஒரு நம்பிக்கைக் கீற்றாய் வெளிவந்திருக்கிறது இந்த புதிய முறை என்பது மட்டும் மறுக்க முடியாத உண்மை.

பிடித்திருந்தால் ஒரு கிளிக்…

 

 

6 comments on “வந்துவிட்டதா, பிளாஸ்டிக் விடைபெறும் காலம் ?

  1. /// what it do ? our life very important plastic now ***
    /// I think people want easy life now in the world ***

  2. பிளாஸ்டிக் பொருகள் பயன்படுத்த வேண்டாம் என்று எத்தனை தான் அறிவுரைகள் சொன்னாலும் அவை இன்றைக்கு நடைமுறை சாத்தியமற்றுப் போவதற்கு மிக முக்கியமான காரணம் சரியான மாற்றுப் பொருள் இல்லாமை

    பிளாஸ்டிக் பொருகள்பயன் படுத்துவதால் உள்ள தீங்கு மக்களை போய் சரிவரபோய் சேரவில்லை .இதை பற்றி இன்னும் விளுபுணர்வு ஏற்படுத்தணும்

  3. konja nalliku mun paper aal seiyappatta paikal puzhakkaththirkku varuvathaasonnarkal athal plastic kai over take seiyamudiyavillai .

    ithaal mudiyuma?
    mudinthaal aaccharyamthaan kudavey mahizhcchi yum

    bala

  4. மனிதனைத் திருத்த மனிதனே படும்பாடு…அப்பப்பா!
    கொஞ்சமாவது திருந்த இடம் இருக்கா?

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s