இப்படியாகக் காதல்…

1

 

 கடவுள்
இல்லையென்பவர்கள்
காதலிக்காதவர்கள்,

தேவதை
இல்லையென்பவர்கள்
உன்னைக் காதலிக்காதவர்கள்.

 

 

 

 

2

உனக்காகத் தவமிருந்தேன்
காத்திருந்தேன்
காவியம் வரைந்தேன்
என்கிறாயே…

ஒருமுறையேனும்
காதலிக்கிறேன் என்றாயா ?

0

3

காதல் மிகவும்
ரகசியமானது.
அதனால் தான்
பலரும்
சொல்வதில்லை
காதலியிடம் கூட

 

 

 

 

 

 

4

இரண்டிலிருந்து
ஒன்றைக் கழித்தால்
பூச்சியமாகும்
வியப்புக் கணிதமே
காதல்.

5

 

 

கண்ணைப் பார்த்து
சிரிப்பதில் தான்
காதலென்று நினைத்தேன்.

மண்ணைப் பார்த்துச்
சிரித்தால் தான் காதலென்று
கற்றுக் கொடுக்கிறாய்
நீ

 

 

 

 

6

உன்
முதல் முத்தத்துக்கு
நன்றி சொல்ல விழைகையில்
உடைந்து சிதறிய
மெளனக் குமிழிகளுக்குள்
என்
நாணம் படுத்துக் கிடந்தது.

 

7

 

 

 

பிறருடன்
செல்பேசுகையில்
வார்த்தைகள் தீர்ந்து விடுகின்றன
உன்னுடன்
பேசுகையில்
பாட்டரி தீர்ந்து விடுகிறது.

 

 

 

 

8

உன்னைக்
காதலிக்கத் துவங்கியபின்
எல்லாவற்றையும்
நிறுத்தி விட்டேன்.

எல்லாவற்றையும்
நிறுத்திய என்னால்
உன்னைக் காதலிப்பதை மட்டும்
நிறுத்த முடியவில்லை !

9

 

 

 

காதல் இல்லா
வாழ்க்கை
சிலவற்றை இழக்கும்.

காதலைச் சொல்லா
வாழ்க்கை
காதலையே இழக்கும்.

 

 

 

 

10

உயிரை உயிருடன் வைத்திருக்க
காதலால் கூடும்
காதலைக்
காதலுடன் வைத்திருக்க
உயிரால் கூடுவதில்லை.

11

 

 

 

உன் முத்தத்தில் வழுக்கி
வானம் நோக்கி
விழுந்தேன்,
எழுந்து பார்த்த போது
சுவர்க்கம்
எனக்குக் கீழே இருந்தது

 

 

 

 

 

12

ஈரப்படுத்தாத மழைக்காகத்
தவமிருப்பது போன்றதே
காயம் தராத
காதலுக்காய் காத்திருப்பதும்.

0