பள்ளிக்கூடக் கவிதைகள்

வழிதேடுகிறேன்

Xavi-wordpress-Write

முதல் நாளே
பென்சிலைத் தொலைச்சுட்டேன்,

அப்பா கேட்டால் அடிப்பார்,
அம்மாவிடம் சொன்னால்
திட்டு விழும்,

பக்கத்து சீட் பையனிடம் இருக்குமா
உபரியாய் இன்னொன்று ?

அல்லது,
ஒத்துக் கொள்வானா ?
இருப்பதை இரண்டாய் உடைக்க

ஆர்வ நிமிடங்கள்
Xavi-wordpress-Write

சிவப்பு நிற
ரிமோட் கார்,

மல்யுத்த வீரர்களின்
போட்டோ கார்ட்கள்,

புத்தம் புதிய
புத்தகப் பை,

எல்லாவற்றையும்
காட்ட வேண்டும்.

கிடைப்பானா ஒரு நண்பன்
இன்றைக்கே ?

பள்ளிக்கு போகணுமா
Xavi-wordpress-Write

நேற்றுவரைக்கும்
இருந்த விளையாட்டுச்
சுதந்திரம்
வெள்ளைத் துணியாலே
கொள்ளை போயிடுச்சு.

தெருவிளையாட்டெல்லாம்
புதிய புத்தகத்துக்குள்ளே
புதைஞ்சு போயிடுச்சு.

ஆண்டவா,
மிகப் பெரிய மழைதருவாயா ?


எப்போ வருமோ
Xavi-wordpress-Write

புத்தகங்களுக்குள்ளே
அடைகாக்க
நான்கைந்து மயில்பீலி,

உப்புத் தண்ணீரில் போட
ஓரிரு கடல்குச்சு,

புத்தகத்து அட்டையில் ஒட்ட
சக்திமான் ஸ்டிக்கர்,

எல்லாம் எடுத்து வெச்சாச்சு.
எப்போ வருமோ
பள்ளிக்கூட பஸ்.

தப்பும்மா
Xavi-wordpress-Write

அப்பா கண்டுபிடிப்பாரா
பாக்கெட்டிலிருந்து எடுத்த
ஒரு ரூபாயை ?

திரும்ப வைக்கலாமா ?
இல்லை
வாசலோர பாட்டியிடம்
மிட்டாய் வாங்கலாமா ?

அம்மா என்ன செய்வார்களோ
பாக்கெட்டிலிருந்து எடுத்த
பத்து ரூபாயை.

தப்பிப்பேனா ?
Xavi-wordpress-Write

நாளைக்கு பரீட்சையாமே
எப்படித் தப்பிப்பது ?

காய்ச்சல் வருமா ?
வாசல் நிறைக்கும்
மழை வருமா ?

வாத்தியாருக்கேனும்
காய்ச்சல் வருமா ?

இல்லை
படித்துத் தான் ஆகவேண்டுமா ?

தனிமைத் தவிப்புகள்
Xavi-wordpress-Write

தண்ணி எடுக்கப் போன
அம்மா,

தண்ணி அடிக்கப் போன
அப்பா,

வீடு முழுதும்
நிறைந்திருக்கிறது வெறுமை.

நான் காத்திருக்கிறேன்
தனிமையின்
வாசல்களில் தவிப்போடு !


வேண்டாம்மா…
Xavi-wordpress-Write

அம்மா,

இனிமேல்
தங்கையை அடிக்கமாட்டேன்,

சமையலறைப் பக்கம்
சண்டித்தனம் பண்ணமாட்டேன்,

தேவையானால் கூட
அழமாட்டேன்,

என்னை
பள்ளிக்கு மட்டும் அனுப்பாதேம்மா.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s