நண்பர்கள்

 

Image result for friends gif

உலக வாழ்வின்
உயிர் நாடிகள்.

ஈரமான என்
மெல்லிய சிறகுகளை
உலர்த்தி என்னை
உயரப்பறத்தியவர்கள்.

வேதனை வெயில்
வீசும்போது
ஈர நேசத்தை
என்னுள் தெளிப்பவர்கள்.

மகிழ்ச்சியின்
மறுபதிப்புகள்.

சிதறிய சொற்களுக்குள்
சிரிப்பைப்
புகுத்துபவர்கள்.

வார்த்தைச் சாரலில்
வாழ்க்கைக் காயத்துக்கு
களிம்பு
பூசுபவர்கள்.

நான்
நண்பர்களை
நேசிக்கிறேன்.

என் பாதங்களுக்கு
புதுப்பாதைகளை
அறிமுகப்படுத்தியவர்கள்
நீங்கள்.

என் கண்களுக்கு
பார்வையை
பரிசளித்தவர்கள்
நீங்கள்.

என் கரங்களுக்கு
கவிதை எழுத
கற்றுக்கொடுத்தவர்கள்
நீங்கள்.

அமாவாசை இரவில்
கரம்பிடித்து
என்னை
சூரியத்தெருவுக்குள்
சுவடுபதிக்கச் செய்தவர்கள்
நீங்கள்.

உங்கள்
நினைவுகளில் தான்
என்
நாட்கள் நகர்கின்றன.

நட்பு மட்டும்
எதிர்பார்ப்புகள்
ஏதுமில்லா
அதிசய நேசம்.

நட்புக்குள்
உலகம் சுற்றுகிறது.

தாயின் நேசம்
தந்தையின் பாசம்
பிறப்பின் பந்தம்

காதலியின் நேசம்
உறவினர் பாசம்
தொடர்வின் பந்தம்.

ஆனால்.

உங்கள்
அன்பு மட்டும்
அனைத்தும் அடங்கியது !
எதுவும் இல்லாமல்!!!

நிறம்

0

கறுப்பு நிறத்தை
என் கிராமம்
வேறுபடுத்திப்
பார்த்ததேயில்லை.

நகரம் தான்
அவமானப் படுத்துகிறது
ஃபேர் அண்ட் லவ்லி
விளம்பரங்களில்

வசீகரச் சூறாவளி

17நீ
தராத ஒன்றை
நான் எடுத்துக் கொண்ட
உறுத்தல் நிகழ்கிறது

வசீகரச் சூறாவளியில்
முகத்தின் தயக்கத்தை
மோதிச் சாத்தும்
அழகுகளை
விழிகளின் குழிகளில் நிரப்புகையில்.

எனினும்
அடுத்த உறுத்தல் தினத்துக்காய்
காத்திருப்பதே
வாடிக்கையாகி விட்டது
குறு குறுக்கும் விழிகளுக்கு.