கேளுங்கள் தரப்படும்
தவறாகிறது.
ஆலய முற்றங்கள் கேட்கின்றன
ஆண்டவனுக்குத் தரப்படுகிறது.
ஃ
எல்லா
அரசு அலுவலகங்களிலும்
லஞ்சம் இருப்பது போலவே,
அலுவலகங்களின் பின்னால்
இருக்கிறது
சிறுநீர் வாசனையுடன் ஒரு சுவர்
ஃ
கவிதை ஒன்றும்
பரம்பரை வியாதியில்லை
பயம் வேண்டாம்.
குழந்தையைக் கொஞ்சிய
மனைவியிடம் சொன்னேன்.
ஃ
திரைப்படங்களில்
பாலியல் பலாத்காரம்
செய்யப்படுவோரெல்லாம்
கர்ப்பம் தரிக்கும் வித்தை புரியாமல்
மருத்துவமனை
பெஞ்சில் காத்திருக்கும் தம்பதியர்
ஃ
பெயரிடுமுன் இறந்து விடும்
குழந்தைகள்
இறக்கும் போதும்
பெயரில்லாதிருக்கும் பெரியவர்களைவிட
அதிர்ஷ்டசாலிகளே.
ஃ
எல்லா வீடுகளிலும்
வளர்கின்றன
விளம்பரம் பார்த்தோ
சினிமா நடனம் பார்த்தோ
சோறுண்ணும் மழலைகள்.
ஃ
பிடிக்காதவர்கள்
படியேறி வருகையிலும்
மிதியடிகள் சொல்கிறன
நல்வரவு.
ஃ
சிரிக்கையில் கண்கள்
மீனென்றவன்
அழுகையில்
மீனைக் குளமென்கிறான்.
ஃ
சேவியர்
You must be logged in to post a comment.