மின்னஞ்சல் காதலின் இழப்புகள்

மேகத்தின் தோளிலிருந்து
பூமிக்குப் பூணூலால்
விழுந்த மழை,
வெள்ளமாய் வடிவெடுத்து
அக்கிரகாரத்துப் பாத்திரங்களையும்
ஒதுக்கப்பட்டப் பாத்திரங்களையும்
ஒரே உயரத்தில்
மிதக்க வைத்துச் சிரித்தது

பரம்பரைக் கூண்டுக் கிளி
வியந்தது
வெளியேயும் பறக்குமா
கிளிகள் ?

சாலையோர
மரங்களை
வெட்டிச் செல்லுங்கள் கவலையில்லை
அதன்
நிழலையாவது
விட்டுச் செல்லுங்கள் !
பாரம் தூக்கும் பாமரனுக்காய்.

மின்னஞ்சல்
காதல்
பலவற்றை இழந்திருக்கிறது
காதலி
எச்சில் தொட்டு ஒட்டிய
கடிதங்கள் உட்பட

இந்தியாவின்
எதிர்காலம் இளைஞர்களிடமாம்..
அது சரி
இளைஞர்களில் எதிர்காலம் ?

ஃ